दोन प्रकारची माणसं शांत झोपतात. एक ज्यांना स्वप्नच पडत नाहीत अन एक ज्यांची स्वप्नं पूर्ण होतात. माझ्यासारखे काही अर्धवट झोपेत, उठ्ल्या क्षणाला रागात जागे होत, स्वप्नांची भुतं मानगुटीवर नेतात. कधी वाटतं स्वप्नांना आयुष्य आहे. कधी वाटतं आयुष्य हेच स्वप्न आहे! जाग यावी,निसटून जावं.

Friday, July 2, 2010

सिरिअल्स्

उसनं दु:ख दुसर्‍याचं, तेवढच तुझ्यासाठीचं रडून

घेते


भांडण असतं दुसर्‍याचं, समजूत माझी मीच काढून घेते

समोर प्रतिबिंब दुसर्‍याचं, त्यातचं तुला पाहून घेते

कथानक कुण्या दुसर्‍याचं, आपल्याला उगीच गुंफून घेते

आयुष्याची वळण तीच सरळसोट, फुकट अस्वस्थ वाटून घेते

बाहेरचा गोंगाट परवडतो रे, अलगद स्वतःला हरवून घेते

तोच वेळ आता सरतच नाही, लुटुपुटूच्या खेळात रमवून घेते

नवरा म्हणतो काय सारखी सिरिअल्स् बघते, मी फक्त डोळे मिटून घेते !

No comments:

Post a Comment

LinkWithin

Related Posts Plugin for WordPress, Blogger...